Paano mag-claim ng tulong pinansyal na ipapamahagi ng gobyerno

Naglaan ang pederal na pamahalaan ng pondo para ipamahagi sa mga residente ng lugar na apektado ng matinding pagbaha sa Queensland at New South Wales

A man is seen paddling a kayak through flood waters covering Torwood Street in the suburb of Milton in Brisbane, Monday, February 28, 2022. Source: AAP Image/Darren England

Highlights

• Lubog pa rin sa tubig-baha ang malaking bahagi ng southeast Queensland at northern New South Wales.
• Makakatanggap mula sa pamahalaan ng $1,000 per adult at $400 per dependent child ang mga biktima ng baha gamit ang mygov website.
• Higit isang libong paaralan ang isinara at habang daan daang pamilya ang inilikas sa Queensland.

Pakinggan ang audio:

LISTEN TO

How to claim the government's one-off Disaster Recovery Payment

SBS Filipino

28/02/202208:34

Play

---

 

Maaari kang mag-claim ng Disaster Recovery Payment, kung ikaw ay lubhang naapektuhan ng pagbaha, kung may kapamilya kang namatay o nawawala dahil sa pagbaha; at nagtamo ng malaking sira ang inyong bahay.

Paano masabing lubha napinsala ng iyong bahay?

• Kung ito ay nasira at kailangang i-demolish
• Kung naideklarang hindi na maayos ang istruktura ng iyong bahay
• Kung nagkaroon ng malaking pinsala ang inyong bahay
• Kung pinasok ng tubig-baha at lubhang nasira ang inyong mga gamit sa bahay 
• Kung napasok ang sewage sa loob ng bahay
• Kung malaki ang sira o damage sa inyong mga ari-arian

 Maaring mag-claim hanggang Agosto 28 ang mga residente ng Queensland, at hanggang Setyembre 1 naman para sa mga residente ng NSW.

Para maging kwalip[ikado sa pag-claim, dapat ay nakatira ka sa isa sa 17 local government areas (LGAs) na apektado ng pagbaha o kabilang sa 17 lugar na naapektuhan ng tubig-baha.

Kinakailangan din na ikaw ay Australian resident o may hawak kang eligible visa

Narito ang sunod-sunod na hakbang kung paano makakuha ng claim

1. Mag-sign in sa myGov at piliin ang Centrelink sa iyong mga naka-link na serbisyo. Kailangan mong tiyakin na ang Centrelink ay naka-link sa iyong myGov account sa pamamagitan ng paggamit ng Centrelink Customer Reference Number (CRN) o kung wala kang CRN, maaari mong patunayan ang iyong pagkakakilanlan sa pamamagitan ng pagbibigay ng mga opisyal na dokumento.

2.I-click ang  “Make a Claim or View Claim Status”

3.  I-scroll ang “Help in an Emergency” at i-click ang Get Started”

4. I-click ang “Apply for Disaster Recovery Payment”

5. I-click ang "Begin"

6. Sagutin ang ilang mga katanungan, ihanda ang inyong litrato, dokumento o ebidensya na magpapatunay na napinsala ng tubig baha ang inyong mga kagamitan o ari-arian. 

7. I-click ang "Submit" para maproseso ang claim. 

8. Maaari mong i-click ang button na “Make a Claim or View Claim Status” mula sa landing page ng Centrelink ng myGov website upang makita kung naproseso na iyong aplikasyon.

Para sa karagdagang impormasyon, bisitahin ang Service Australia website.