Commonwealth Bank Nih Thawngthanhnak A Tuahmi A Let Than

Commonwealth nih thawngthannak a tuahmi kongah Ramkhel rian tuantu hna nih fak ngaingai an soisel. Thawng an thanhnak suimilam 24 hman a tlin hlan ah biakhiahnak an tuahmi kongah letnak an tuah than.

The Commonwealth Bank will pause account changes that would have meant some customers had to pay $3 to withdraw their cash. Source: AAP / AAPIMAGE

Mipi nih anmah tangka ciacia, bank in chuah an duh tikah tangka chuah khawhnak ding caah a man Commonwealth bank nih $3 lak dingin thawngthanhnak a rak tuah.

Asinain, soiseltu le dohdalhtu an tam tuk caah tangka chuahman $3 lak dingin bia an khiah mi cu let than siseh tiin thawng an thanh than.

A ra lai dingmi Jan 6 in khin Commonwealth bank a hmangmi poah an tangka an chuah tikah $3 liam dingin thawng an rak thanh.

Tangka chuahnak seh hmangin siseh, Post office ah tangka chuah an I timh zongah tangka chuah man pek hau ding a rak si.

Hi kongah Ramkhel riantuantu, cozah ngunkeng a si mi Stephen Jones nih Commonwealth bank fak ngai in a hun soisel, “Ruahnak hmanh nih a phak khawh lo mi, duh a nung lo bikmi Christmas laksawng” tiin a auh. Cun, Labor vuanci Clare O’Niel nih mah bantuk thawngpang cu “Pangah chuih chih” he a dannak a um lo a ti.

The bank's head of retail services conceded it had done a "poor job" communicating the change to customers. Source: AAP / Erik Anderson

Commonwealth leiin Retail Banking service a tlaitu Angus Sullivan nih thlennak tuah an timhmi kong he pehtlaiin mipi sinah fianternak a tuah.

Thawngthanhnak kan rak tuahmi kha thla ruk chung nunter a si rih lai lo, bank leiin tuan a herhmi, thlennawnnak le adangdang remh a herhmi pawl I hmaithlak in rian kan tuah ta hmasa lai a ti.

Bank leiin thawng an rak thanhning ah cun, kum 18 tang le cozah bawmhnak a dong mi, mipum tlamtling lo a si mi hna kha tangka chuah man lak an si lai lo.

Tangka chuah man $3 lak dingin thawng an thanhmi cu suimilam 24 hmanh a rauh hlan ah Commonwealth nih a let than colh.