Highlights:
- Kum 2022 chungah Australia ram mi 20,000 leng an thi
- Raikhamsii bivalent cu raikhamsii an rak ser hmasa cem mi sii nak in a riantuanning a thawng deuh tiin kherhlainak a tuahtu nih a chim.
- Influenza tlangrai khamsii cu April thla in I chunh khawh a si cang lai tiin Department of Health and Aged Care nih thawng an thanh.
Ruah lopi in siizung a panh mi hi an karh ngaingai, cu chungah mi tam deuh cu COVID-19 pulrai zawtnak I chawnh ruangah siizung a rak phan mi an si tiin New South Wales ngandamnak lei lutlai nih an chim.
Cu nih a langhter mi cu COVID hi ramchungah karh hram a thok than kho.
Nihin cawn ninga ah thawng an thanhnak, tuzarh chungah NSW ramkulh mi 7871 nih zawtnak an I chawn. Kan hnu zarh chungah zawtnak a chawn mi hi 7,163 an si.
Zarhkhat chungah zawtnak a chawn mi an karh deuh ve tiin Victoria ngandamnak lei lutlai nih thawng an thanh ve. Kan hnu zarh chungah zawtnak a chawn mi 3,016 an si nain, tuzarh cu 3,319 ah an karh.
Australia ram mi 20,000 leng kum 2022 chungah an thi. Mi tam deuh an thihnak a ruang hlat tikah COVID-19 pulrai in an thi hna timi hmuh khawh a si.
COVID-19 raikham sii an ser thar mi cu a hlan an rak ser tthing mi nak a lat hnih tluk in a thawng I a tha deuh fawn tiah UNSW’s Kirby institute nih an langhter.
Kum fatinte I chunh tawn mi Influenza tlangrai khamsii i chunh caan a phanh than cang caah tlangrai khamsii cu April thla in chunh a duhmi poah chun a ngah than cang lai tiin Department of Health and Aged Care lei nih thawng an thanh.
“Tlangrai khamsii I chunh a duhmi nih a phak sin in I chunh khawh colh a si lai. COVID-19 pulrai khamsii he voikhat loah chunh tti awk a tha lai” tiin thawng an thanh chih.
A luancia ni 28 chungah vawlei pi huap in zawtnak a chawn mi an ttum chuk ngaingai, zatuak 58% tluk in an zor I, pulrai zawtnak in a thi mi zong zatuak 65% tluk in an zor ve tiin March 8 ah World Health Organization nih thawng an thanh.
Weekly global cases. Source: WHO Credit: Sahil Makkar
COVID-19 hniksaknak siikhan umnak hmun
COVID-19 Zawtnak na ngeih tikah theihternak tuahnak
Read all COVID-19 information in your language on the
