Дали високите температури ја истакнуваат економската нееднаквост?

Овогодинешното лето е едно од најтоплите во историја на Австралија. Експертите велат дека разликата во температурите ја влошува социјалната поделба.

Во источните делови на Сиднеј, жителите го чувствуваат морскиот ветер, но од другата страна на градот, температурите достигнуваат рекордни нивоа. Credit: Brook Mitchell / Getty Images

Во Пенрит на западниот дел на Сиднеј, во разговор со SBS Examines, некои жители велат дека ги чувствуваат високите температури.

Секоја година е сè потопло, се чувствувам како да се наоѓам на сонцето.

На другата страна од градот температурата беше за 10 степени пониска.

Милиони луѓе живеат во Западен Сиднеј, еден од најразновидните региони во Австралија.

Оваа област е дел од она што експертите го нарекуваат „урбан топлински остров“.

Тие се плашат дека ова претставува опасност за најранливите Австралијци.

Во оваа епизода на SBS Examines го разгледуваме прашањетo: Дали топлината влијае различно врз нашите заедници?