Andrew Galea Debono | Ħajja ta' dedikazzjoni għal dawk vulnerabbli

Andrew Galea Debono qed jgħaddi l-aħjar żmien tal-karriera professjonali tiegħu jgħin lil dawk l-aktar vulnerabbli u fil-bżonn. Waqt li huwa stazzjonat fil-Panama huwa qed jgħin lil dawk li jaħarbu mill-persekuzzjoni u l-oppressjoni.

Maltese Human Rights Lawyer Source: Sofia Tabita Echeverria

Din l-intervista ma’ Dr Andrew Galea Debono, avukat Malti dwar id-drittijiet tal-bniedem bħalissa stazzjonat fil-Panama titfa ftit ta dawl fuq is-sitwazzjoni attwali tal-ażil fl-Amerika Latina. Andrew jinsab fil-qalba ta’ kollox; jisma’ l-istejjer tan-nies u mbagħad jgħinhom isibu pajjiż sigur. Uħud mill-istejjer tiegħu huma mhux bissa ta’ ispirazzjoni imma ukoll ta niket.