Мэргэжлийн түвшинд ажиллаж буй Монголчуудыг холбох нэгдэл байгуулагджээ

Австралид мэргэжлийн ажилд ороход хамгийн чухал зүйлсийн нэг бол танилын хүрээ. Энэ бол "танил тал" гэсэн утгаар биш харин мэргэжлийн хувьд үнэлж буй хүнээ санал болгож буй хэрэг юм. Бусад улсын иргэд ч ийм замаар нэгнээ дэмжиж, томоохон байгууллагад олуулаа ажилладаг жишээ олон бий. Тэгвэл Монголчууд бие биенээ дэмжиж, өөрсдийн туршлагаа хуваалцах, зорилго бүхий нэгдэл саяхан байгуулагдаж, анхны уулзалтаа хийжээ.

Б.Энхболд, Mongolian Aussie Connect нэгдлийн үүсгэн байгуулагч

Mongolian Aussie connect нэгдэл анхны уулзалтаа Сиднэй хотод хийж, Австралид мэргэжлээрээ ажиллах буй Монголчуудыг хоорондоо танилцах боломжийг олгожээ. Тэд энэхүү нэгдлээ өргөжүүлэн бусад хотуудад ажиллаж буй Монголчуудыг хамруулсан networking үүсгэх зорилготой.

Анхны уулзалтын үеэр. Сиднэй хот, 2023 он