Тэрээр Баруун Австралийн Куртины Их Сургуулийн Докторант, Анагаахын сэтгэл судлаач, сэтгэл засалч мэргэжилтэй, одоо Perth хотод сэтгэл заслын төвийн эмчилгээний багийн менежер, Ерөнхий сэтгэл засалчаар ажилладаг юм. Бид сэтгэл зүй хүний биеийн дархлаанд хэрхэн нөлөөлдөг тухай, Hero to Zero буюу гадаад улсад дасан зохицох үеийн тухай, Австралид сэтгэлзүйн эмчилгээ үйлчилгээ авах гэх мэт олон сэдвээр ярилцлаа. 
А.Нинжбадгар Монголд ажиллаж байхдаа Хавдар судлалын үндэсний төвд анхны сэтгэл заслын эмчилгээг нэвтрүүлж байсан. Хэдий амьдрах хугацаа богино үлдсэн ч энэ хугацааг чанартай өнгөрүүлэх сэтгэл зүйн хүчийг хавдартай хүмүүст өгч, сэтгэл зүйн хувьд эрүүл байх нь дархлааг илүү хүчтэй болгож байгааг харуулж чадсан юм. Монголд анхны сэтгэл заслын төвийг ч байгуулж байсан туршлагатай. Тэрээр Баруун Австрали мужид 15 амьдарчээ. Гэхдээ Монголын төлөө хийж буй ажил нь үргэлжилсээр байгаа. Австралийн номын сангуудад Монгол номын хэсэг байгуулж, хүүхдүүдэд хэл, соёлоо заах Монгол сургууль байгуулалцсан гэх мэт олныг нэрлэж болно. Бид дараагийн дугаартаа энэ сургуулийн тухай ярилцах болно.
Source: Хувийн архиваас
Баруун Австралийн бас нэгэн бахархал Д.Сэндэрийн ярилцлагыг эндээс сонсоорой.
