ਮੈਲਬੌਰਨ ਦੇ ਐਪਿੰਗ ਖੇਤਰ ਵਿੱਚ ਅਕਸਰ ਬੱਚਿਆਂ ਨੂੰ ਕੋਚਿੰਗ ਦਿੰਦੇ ਵੇਖੇ ਜਾਂਦੇ ਸਕੂਲ ਅਧਿਆਪਕ ਅਤੇ ਟਰੈਕ ਅਤੇ ਫੀਲਡ ਕੋਚ ਗੋਗੀ ਰਾਏ ਨੇ ਹਾਈ ਜੰਪ ਅਤੇ ਪੈਂਟਾਥਲੋਨ ਲਈ ਆਸਟ੍ਰੇਲੀਆਈ ਮਾਸਟਰਜ਼ ਅਥਲੈਟਿਕਸ ਚੈਂਪੀਅਨਸ਼ਿਪ ਦੇ ਕਈ ਰਿਕਾਰਡ ਬਣਾਏ ਹਨ।
ਹਰ ਸਾਲ ਉਹ ਐਥਲੈਟਿਕਸ ਵਿਕਟੋਰੀਆ ਸ਼ੀਲਡ ਲੀਗ ਵਿੱਚ ਮੁਕਾਬਲਾ ਕਰਦੇ ਹਨ ਅਤੇ ਆਮ ਤੌਰ 'ਤੇ ਓਪਨ ਉਮਰ ਲਈ ਰਾਜ ਵਿੱਚ ਸਭ ਤੋਂ ਵੱਧ ਵਧੀਆ ਖਿਡਾਰੀ ( ਐਮ ਵੀ ਪੀ - Most Valuable player ) ਦਾ ਰੈਂਕ ਹਾਸਿਲ ਕਰਦੇ ਹਨ।
ਗੋਗੀ ਰਾਏ ਦਾ ਕਹਿਣਾ ਹੈ ਕਿ ਬਚਪਨ ਵਿੱਚ ਅਸਥਮੇ ਤੋਂ ਗੰਭੀਰ ਰੂਪ ਵਿਚ ਪੀੜਿਤ ਹੋਣ ਕਾਰਨ ਉਹ ਖੇਡਾਂ ਲਈ ਪ੍ਰੇਰਿਤ ਹੋਇਆ।
ਐਸ ਬੀ ਐਸ ਪੰਜਾਬੀ ਨਾਲ ਗਲ ਕਰਦਿਆਂ ਗੋਗੀ ਨੇ ਕਿਹਾ ਕਿ "ਜਦੋਂ ਮੈਂ ਨੌਂ ਸਾਲਾਂ ਦਾ ਸੀ, ਮੇਰੇ ਘਰਦੇ ਮੇਰੇ ਫੇਫੜਿਆਂ ਦੀ ਸਮਰੱਥਾ, ਮੇਰੇ ਛੋਟੇ ਕੱਦ ਅਤੇ ਮੇਰੇ ਘੱਟ ਭਾਰ ਬਾਰੇ ਚਿੰਤਤ ਸਨ। ਇਹ ਸੋਚਦੇ ਹੋਏ ਕਿ ਖੇਡਾਂ ਮੇਰੀ ਸਿਹਤ ਬਿਹਤਰ ਕਰ ਸਕਦੀਆਂ ਹਨ ਅਤੇ ਦਮੇ ਨਾਲ ਲੜਨ ਵਿੱਚ ਮਦਦ ਕਰ ਸਕਦੀਆਂ ਹਨ, ਉਹਨਾਂ ਨੇ ਮੇਰੀ ਦਿਲਚਸਪੀ ਦੌੜਨ ਵੱਲ ਜਗਾਈ।"
"ਅਸਥਮੇ ਦੇ ਕਾਰਨ, ਬਚਪਨ ਵਿੱਚ ਕਈ ਵਾਰ ਹਸਪਤਾਲ ਵਿੱਚ ਦਾਖਲ ਹੋਣ ਦੇ ਬਾਵਜੂਦ, ਮੈਂ ਇਹ ਯਕੀਨੀ ਬਣਾਇਆ ਕਿ ਖੇਡਾਂ ਲਈ ਮੇਰੇ ਪਿਆਰ ਅਤੇ ਸਮਰਪਣ ਦੇ ਰਾਹ ਵਿੱਚ ਕੋਈ ਔਂਕੜ ਨਾ ਆਵੇ।"
Gogi Rai's childhood picture. Credit: Supplied by Mr Rai.
"ਇੰਨ੍ਹਾ ਔਂਕੜਾ ਨੇ ਸਗੋਂ ਮੈਨੂੰ ਹੋਰ ਮਜ਼ਬੂਤ ਅਤੇ ਵਧੇਰੇ ਦ੍ਰਿੜ ਬਣਾਇਆ," ਉਨ੍ਹਾਂ ਕਿਹਾ।
Gogi Rai with his mother.
Mr Rai aims to promote athletics among kids and voluntarily provides free coaching to children. Credit: Supplied by Mr Rai.
ਪੂਰੀ ਗੱਲਬਾਤ ਸੁਨਣ ਲਈ, ਉੱਪਰ ਫੋਟੋ ‘ਤੇ ਦਿੱਤੇ ਆਡੀਓ ਲਿੰਕ ਉੱਤੇ ਕਲਿਕ ਕਰੋ...
