'Eletise gaosi mai le malosi niukilia

O loo finau pea le ta'ita'i o le itu-agai Peter Dutton i le fuafuaga a lana itu pe a manumalo i palota o lumana'i nei e fausia ai ni nofoaga se fitu i le atunu'u e gaosia ai le 'eletise mai le malosi niukilia.

Ta'ita'i o le itu-agai, Peter Dutton. Source: AP / Andrew Harnik/AP

E ui ua iloa i se su'esu'ega o atunu'u o loo fa'aaogaina ai le niukilia e gaosi ai le 'eletise le taugata atu o le tau - si'itaga i le AUD$665 i le tausaga i le pili.

Ua iloa fo'i le tulaga lamatia i faalavelave e tutupu mai nofoaga nei pe a masa'a i fafo le otaota o le niukilia, e pei ona molimauina i Iapani ina ua talepe e se sunami fale gaosi 'eletise mai le niukilia.