Faigata ona aveesea mai tagata Ausetalia mai Lepanona

Ua faaalia e le minisita o le vaifafo i le malo tele, Penny Wong, le faigata i le malo ona ave'esea uma mai tagatanu'u Ausetalia o loo i totonu o Lepanona i le taimi nei.

Minisita o le vaifafo i le malo tele, Penny Wong. Source: AAP / AAP/Bianca De Marchi

E to'atele tagatanu'u Ausetalia o loo poloka i totonu o Lepanona ma o loo i se tulaga lamatia mai osofa'iga a Isaraelu ma le taua o loo faia nei ma le faalapotopotoga a Herzbollah.

Na saunoa Penny Wong, o le fuainumera tele lenei ua faigata ai i le malo ona faatulaga auala e aveesea mai ai i latou uma e pei ona faatulagaina i isi faalavelave i isi vaega o le lalolagi.