Faipule Samoa muamua i Ausetalia: Anasina Gray-Barberio

Na faatautoina i le faai'uga o le masina talu ai le tagata Samoa muamua ua avea ma sui faipule o se palemene i Ausetalia nei, le sui o le Greens mo Metropolitan North, Anasina Gray-Barberio.

Anasina Gray-Barberio i lana saunoaga muamua i le palemene setete o Vitoria. (Image by Janusz Molinski Photography) Credit: Janusz Molinski

I lana saunoaga muamua, na faafetaia e Anasina ona matua, le faafeagaiga o le Ekalesia Faapotopotoga Kerisiano Samoa i Glenroy i Melbourne ma le faletua, ma lana 'aulotu.

Na ia ta'ua le 'ave o lana famuamua i mata'upu i polokalame e tali atu ai i le tele o faafitauli mai fesuia'iga o le tau, ma se faata'ita'iga i le itupa o teine ma ama'ita'i Pasefika i Ausetalia nei.

Na ia faitioina le faai'uga a le peresitene na le mafai ai ona pepese le 'aufaipese a le EFKS i Glenroy i totonu o le maota ae le'i faia lana saunoaga.