Kamala Harris sui tauva o le Democrats

Ina ua fa'ailoa mai lana fa'amavaega o le sui tauva o le Democratic Party, na fa'aalia e le peresitene, Joe Biden, lona lagolagoina o le sui peresitene, Kamala Harris, e tauva i palota mo le tofi peresitene o Amerika.

Sui peresitene o Amerika, Kamala Harris. Source: Flickr / Gage Skidmore - Flickr

Ua tele vaiaso o vala'au nisi i le peresitene Joe Biden e fa'ase'etuagalu ma le tauvaga i palota i le masina o Novema e sa'ili seisi e avea ma sui tauva.

Na malosi le vala'au talu mai le debate muamua i le va o Joe Biden ma Donald Trump, lea na manino mai ai le ono a'afia o le peresitene i le galogalo.

Ua fa'ailoa e Joe Biden lona lagolaoina o le sui peresitene, kamala Harris e avea ma sui tauva mo le Democratic Party e sui tulaga ia te ia.