Malosi niukilia e gaosia ai le 'eletise

Ua fa'aalia e le ta'ita'i o le ituagai Peter Dutton ni pitonu'u se 7 i le atunu'u e fausia ai nofoaga mo le gaosia o le 'eletise mai le malosi niukilia.

Nofoaga o lo'o gaosi ai le 'eletise mai le malosi niukilia le Tricastin nuclear power plant i Farani. (AAP/Mary Evans/Ardea/M. Watson) | NO ARCHIVING, EDITORIAL USE ONLY Credit: Rights Managed/MARY EVANS

O le tali lenei a le ituagai i le taumafaiga e fa'aitiititia le kasa 'o'ona o lo'o pua'ina atu i le si'osi'omaga mai le susunuina o fossil fuels e pei o le koale.

E le o taliaina e le vaega 'upufai a le Greens ma le faigamalo a le Labor le fuafuaga.

Ma o loo tete'e malosi fo'i iai fa'alapotopotoga a tagata muamua ona o le tulaga i nofoaga e pa'ia ia i latou po'o sacred sites.