Molia La'auli Leuatea Polata'ivao Schmidt

E 2 itula na fesiligia ai le ta'ita'ifono o le vaega 'upufai a le Faatuatua i le Atua Samoa ua Tasi (FAST) La'auli Leuatea Schmidt e leoleo i le ofisa i Tau'ese i le Aso Faraile na te'a nei.

La'auliolemalietoa Polataivao Schmidt. Credit: Samoa Observer.

Ua faamaonia mai e le Komesina o leoleo i Samoa, Auapa'au Logoitino Filipo le molia o le ta'ita'ifono o le FAST, La'auli Leuatea Schmidt, o ia fo'i le minisita o fa'ato'aga ma faigafaiva i le faigamalo o iai nei, i ni moliaga e aofia ai fa'amatalaga ua ta'uleagaiana nisi o tagata, (defamation).

O loo tatala i tua le sui minisita i lalo o ni aiaiga (bail) e tula'i i le Aso 4 o Fepuari e tali iona moliaga.