Tofia minisita fou i le kapeneta a le FAST

Ua tofia e le palemia o Samoa, Fiame Naomi Mataafa, sui fou e to'a 4 i lana kapeneta, e sui tulaga i minisita na faate'aina talu ona molia e leoleo le sa avea ma minisita o faato'aga ma faigafaiva, Laauli Leuatea Schmidt.

Le palemia o le malo tuto'atasi o Samoa, Fiame Naomi Mata'afa. Source: Facebook / Government of Samoa/Facebook

O minisita na faate'aina, o Mulipola Anarosa Ale-Molio'o, Laauli Leuatea Schmidt, Toelupe Onesemo, ma Leota Laki Sio.

Ua sui tulaga iai i latou na avea ma sui minisita - Mauu Siaosi Puepuemai, Niuava Malolo Eti, Faleomavaega Titimaea tafua, ma Laga'aia Tiaituau Tufuga.