Donald Trump ayaa noqday madaxweynihii hore ee ugu horeeyay ee Maraykanka oo ay xeergeegto reer New York ah ay ku helaan danbi ah inuu been abuuray dukumiintiyo si uu u qariyo lacag lagu aamusinayay gabar jisha filimada galmoodka ka hor doorashadii 2016.
Kadib markii ay ka doodeen labo maalmood, xeerbeegtada ka kooban 12 qof ayaa ku dhawaaqay inay ku heleen Trump dhamaan 34 danbi oo uu wajahay, xeer beegtada ayaa laga doonayay inay kuligood isku raacaan go'aankasta oo ay gaaraan.
Go'aankan ayaa Maraykanka galinaya meel uusan waligiis gaarin maadaama wadankau doorasho galayo bisha Nofember, taas oo uu Mr Trump yahay musharaxa u taagan xisbiga Jamhuuriga ah isagoo isku dayaya inuu mar kale dib aqalka cad ugala wareego Joe Biden oo Dimqraadi ah.
Mr Trump ayaa sheegay in xukunku yahay mid fuwaaxish ah isagoo ku dooday inuusan wax danbi galin.
"Kani wuxuu ahaa maxkmadayn ceeb ah oo qayaano ah, xukunka saxda ah wuxuu noqonayaa kan Nofember 5 teeda, dadkuna waa ogyihiin waxa halkan ka dhacay. Waxa qalad ah maynaan galin. Waxaan ahayn nin aan wax danbi ah galin laakiin waxaan u dagaalamyaa dalkeena, waxaan u dagaalamayaa dastuurkeena," ayuu yiri Mr Trump go,aanka kadub.
