ས་ཆ་བྱེ་བྲག་པ་ཞིག་གི་ནང་སྐྱེས་དངོས་མི་འདྲ་བར་ང་ཚོས་བརྟག་དཔྱད་བྱས་ཚེ། དེས་ང་ཚོས་ཁོར་ཡུག་དེར་ཤེས་རྟོགས་སྔར་ལྷག་ཡོང་རྒྱུ་མ་ཟད། ང་ཚོས་ཁོར་ཡུག་དེར་བདག་གཅེས་གང་འདྲ་བྱེད་དགོས་མིན་ཤེས་རྟོགས་ཡག་པོ་ཡོང་གི་ཡོད།
མ་ཚད་བྱེད་སྒོ་འདིས་སེམས་ཅན་དང་སྐྱེ་དངོས་མང་པོ་ཞིག་ཀྱང་གསར་རྙེད་བྱེད་པར་གོ་སྐབས་ཆེན་པོ་ཡོད།
མི་ཚང་མ་ BioBlitz (ནི་དུས་ཐུང་ཞིག་གི་ནང་ས་ཆ་བྱེ་བྲག་པ་ཞིག་ལ་སྐྱེས་དངོས་བྱེ་བྲག་པ་མང་པོ་ཞིག་འཚོལ་ཞིབ་དང་ངོས་འཛིན་བྱེད་པའི་བྱེད་སྒོ་ལ་མཉམ་ཞུགས་བྱེད་པར་གོ་) ཞེས་པའི་བྱེད་སྒོ་འདིའི་ནང་མཉམ་ཞུགས་བྱེད་ཆོག་ཅིང་བྱེད་སྒོ་དེའི་སྐབས་ས་གནས་དེའི་ནང་སེམས་ཅན་དང་སྐྱེས་དངོས་མང་པོ་ཞིག་འཚོལ་ཞིབ་དང་ངོས་འཛིན་བྱེད་པའི་གོ་སྐབས་ཡོད།
ཚན་རིག་པས་ས་གནས་ས་ཐོག་ཏུ་ཞིབ་འཇུག་དང་བརྟག་དཔྱད་བྱས་ཏེ་དམིགས་བསལ་གྱི་ས་ཁུལ་དེའི་ནང་རྩི་ཤིང་དང་སྲོག་ཆགས་གང་དག་གནས་ཡོད་པ་ཤེས་རྟོགས་བྱེད་ཀྱི་ཡོད། འོན་ཀྱང་ཨོ་སི་ཊོ་ལི་ཡའི་ས་ཁོངས་རྒྱ་ཆེ་བས་སྤྱི་དམངས་ཀྱི་ཚན་རིག་ཟེར་བའི་གོ་རིམ་ཞིག་བརྒྱུད་དེ་མི་མང་ཚོས་དང་བླངས་ཐོག་ནས་ཚན་རིག་ཆ་འཕྲིན་དང་ཡིག་ཆ་འཚོལ་བསྡུ་དང་སྐྱེས་དངོས་སེམས་ཅན་ངོས་འཛིན་རོགས་བྱས་ཏེ་ཚན་རིག་པ་དང་ཞིབ་འཇུག་བྱེད་མཁན་ལ་རྒྱབ་སྐྱོར་བྱེད་པའི་གོ་སྐབས་ཡོད།
སྤྱི་དམངས་ཀྱི་ཚན་རིག་ལས་འཆར་དེས་ཚན་རིག་གི་ཤེས་བྱ་གོང་མཐོར་གཏོང་བར་ཕན་ཐོགས་དང་། དེས་ང་ཚོའི་ཁོར་ཡུག་ལ་ཤེས་རྟོགས་སྔར་ལྷག་ཡོང་ཐབས་དང་ཁོར་ཡུག་སྲུང་སྐྱོབ་ཇེ་ལེགས་སུ་གཏོང་ཐབས་བཅས་ཀྱི་ཆེད་དུ་དམིགས་ཡོད།
Bioblitz ནི་སྤྱི་དམངས་ཀྱི་ཚན་རིག་བྱེ་སྒོ་ཞིག་ཡིན་ཞིང་། མི་མང་གི་ཚོགས་མི་དེ་དག་ཚན་རིག་པ་རྣམས་དང་ལྷན་དུ་ས་གནས་ཤིག་གི་རྩི་ཤིང་དང་སྲོག་ཆགས་མང་པོ་ཞིག་ངོས་འཛིན་འཚོལ་ཞིབ་ཀྱིས་ཟིན་ཐོ་བཀོད་པའི་དུས་ཚོད་ཅིག་རེད།
ཨོ་སི་ཊོ་ལི་ཡའི་ནུབ་ཕྱོགས་མངའ་སྡེ་ནང་གནས་སྡོད་བྱེད་མཁན་ཕྱུག་རིགས་སྨན་པ་ཌེ་ཝེ་ཌི་ David Edmonds ལགས་ཀྱིས་ས་གནས་ཝལ་ཕོ་ལི་ Walpole ཁུལ་དུ་ Bioblitz བྱེད་སྒོ་སྐོར་འབྲེལ་མཐུད་བྱེད་ཀྱི་ལས་དོན་བྱེད་བཞིན་ཡོད།
ཁོང་གིས་ཝིལ་ཕོ་ལི་ Walpole wilderness ས་ཁུལ་དེ་ནི་ཨོ་སི་ཊོ་ལི་ཡའི་ནུབ་ཕྱོགས་ས་ཁུལ་དུ་ཆེས་རླན་བཤེར་ཆེ་བའི་ས་ཁུལ་ཞིག་རེད། ས་ཁུལ་འདིར་འཛམ་བུ་གླིང་ས་ཆ་་གཞན་ལ་མེད་པའི་གཞི་རྒྱ་ཆེ་བའི་སྐྱེས་ཁམས་མ་ལག་དང་སྐྱེས་དངོས་རིགས་སྣ་ཚོགས་ཤིག་ཡོད། ས་གནས་འདིར་ས་གནས་གཞན་གང་ལ་མེད་པའི་རྩིས་ཤིང་སྣ་ཚོགས་དང་སེམས་ཅན་སྣ་ཚོགས་ཤིག་རྙེད་ཀྱི་ཡོད། ད་དུང་གནས་དེར་ས་ཁྱོན་གཞི་རྒྱ་ཆེན་པོ་ཞིག་ལ་ང་ཚོས་འཚོལ་ཞིབ་བྱེད་ཐུབ་ཀྱི་མེད་པས་ས་གནས་དེར་ད་དུང་སྐྱེ་དངོས་སེམས་ཅན་གཞན་དག་ག་རེ་ཡོད་པའམ་ཤེས་ཐུབ་ཀྱི་མེད། ས་གནས་དེར་ཡོད་པའི་སྐྱེ་དངོས་རིགས་ཁ་ཤས་ཤིག་སྟོང་འབྲུག་གི་སྔོན་ནས་འབྱུང་ཡོད་སྲིད་པའི་ཁུངས་དེད་ཆོག་པས་ས་གནས་འདི་ནི་སྐྱེ་དངོས་སྣ་མང་རང་བཞིན་གྱི་ས་ཁོངས་གལ་ཆེན་ཞིག་ཆགས་ཡོད་ཅེས་གསུངས་འདུག
ཨོ་སི་ཊོ་ལི་ཡའི་ནང་ད་དུང་ས་གནས་ཝལ་ཕོ་ལེ་ལྟར་བུའི་ས་རྒོད་དེ་གཞི་རྒྱ་ཆེ་བ་ཡོད་པས་ས་ས་གནས་དེ་ཚོའི་ནང་ང་ཚོས་ཤེས་རྟོགས་བྱ་རྒྱུ་མང་པོ་ཞིག་ལྷག་བསྡད་ཡོད། མི་མང་རྣམས་བྷོ་བྷི་ལི་ཛི་ bioblitz བྱེད་སྒོའི་ནང་མཉམ་ཞུགས་ཀྱིས། ཁོར་ཡུག་སྐོར་ཚན་རིག་དང་མཐུན་པའི་ཤེས་རྟོགས་ཡོང་ཐབས་བྱེད་དགོས་ཀྱི་ཡོད་པ་རེད།
ཡང་ཁོང་གིས་སྐྱེ་དངོས་ངོས་འཛིན་འཚོལ་ཞིབ་ BioBlitz ནི་ནུས་པ་ཆེན་པོ་ཡོད་པའི་བྱེད་སྒོ་ཞིག་ཡིན་ཞིང་། མི་རྣམས་ཕན་ཚུན་མཉམ་འབྲེལ་ཐོག་ནས་སྐྱེ་ཁམས་ཁོར་ཡུག་སྐོར་ཤེས་རྟོགས་སྔར་ལས་གོང་མཐོར་གཏོང་ཐབས་བྱ་རྒྱུ་དང་། དེའི་བརྒྱུད་ནས་སྐྱེས་ཁམས་ཁོར་ཡུག་བདག་ཉར་སྔར་ལས་ཇེ་ལེགས་སུ་གཏོང་ཐུབ་ཅེས་གསུངས་འདུག
སྐྱེ་དངོས་ངོས་འཛིན་འཚོལ་ཞིབ་ BioBlitz བྱེད་སྒོ་དེའི་ནང་མི་སུ་ཞིག་ཡིན་རུང་མཉམ་ཞུགས་བྱེད་ཆོག་ལ། བྱེད་སྒོ་དེ་ས་གནས་ཀྱི་ཚོགས་སྡེ་དང་། ཁོར་ཡུག་སྲུང་སྐྱོང་བྱེད་མཁན། ས་གཞི་བདག་གཅེས་བྱེད་མཁན། ད་དུང་རང་བྱུང་ཐོན་ཁུང་དོ་དམ་ཚོགས་པ་སོགས་ཀྱིས་རྒྱུན་དུ་གོ་སྒྲིག་བྱེད་བཞིན་ཡོད། བྱེད་སྒོ་དེ་གོ་སྒྲིག་སྐབས་ས་ཁུལ་ངེས་ཅན་ཞིག་ལ་དུས་ཚོད་བཀོད་སྒྲིག་དང་། སྐྱེས་དངོས་སྐོར་ཡིག་ཆ་སོགས་གང་ཐུབ་བཀོད་སྒྲིག་བྱེད་ཀྱི་ཡོད།
བྱེད་སྒོ་དེའི་སྐབས་མཉམ་ཞུགས་བྱེད་མཁན་རྣམས་ལ་ལག་རྩལ་ལ་དཔག་པའི་བྱེད་སྒོ་འདྲ་མིན་ཡོད་ཅིང་། དེ་ཡང་ཚན་རིག་པ་དང་རྣམས་དང་མཉམ་དུ་ས་ཁུལ་འདྲ་མིན་ནང་ཐག་རིང་ཐུང་ཅི་རིགས་ནས་གོམ་བགྲོད་དང་། ཁྱེད་རང་ལ་དམིགས་བསལ་ཚན་རིག་དང་མཐུན་པའི་ལག་རྩལ་དེ་ཡང་དགོས་ཀྱི་མེད། ཁྱེད་རང་དང་མཉམ་དུ་ཡོད་པའི་ཚན་རིག་པ་ཚོས་བྱེད་སྒོ་ནང་ཞུགས་སྟངས་ཀྱི་གོ་རིམ་སོགས་མཛུབ་སྟོན་བྱེད་ཀྱི་ཡོད།
