ནང་ལ་སྡོད་ནས་ལས་ཀ་བྱེད་ཆོག་པའི་ཁེ་དབང་།

དེ་སྔོན་ཏོག་དབྱིབས་ན་ཚ་ཁྱབ་རྗེས་སྦྱིན་བདག་དང་ལས་མི་དབར་འབྲེལ་བ་དང་ལས་ཀ་བྱེད་སར་ལས་ཀ་དྲ་སྙོམས་ཀྱི་ཁྲིམས་ལུགས་འགྱུར་བ་ཕྱིན་ཡོད། ཚོགས་སྡེ་ཁག་གིས་ལས་མི་ཚང་མ་ཕྱིར་ལས་ཀ་བྱེད་སར་དངོས་སུ་བཅར་ཐབས་དང་མཚམས་རེར་བཙན་ཤེད་གཏོང་གི་ཡོད་ཀྱང་། ཆེད་མཁས་པ་ཚོས་སྟབས་བདེའི་ཐབས་ལམ་སྤྱད་ནས་ལས་ཀ་བཀོད་སྒྲིག་བྱེད་དགོས་པའི་གནས་སྟངས་མུ་མཐུད་གནས་ཡོད་པའི་ཉེན་བརྡ་གཏོང་གི་ཡོད།

Victoria works from her home station in Adelaide, Thursday, April 2, 2020. Many people are now working from home as the Australian Government introduces tighter restrictions around social gatherings, and boosted stimulus spending, in attempts to fight off the coronavirus and it's affects on the economy. (AAP Image/David Mariuz) NO ARCHIVING Source: AAP / DAVID MARIUZ/AAPIMAGE

ལས་ཀ་སྟབས་བདེ་བཀོད་སྒྲིག་ནི་རྣམ་པ་སྣ་ཚོགས་ཡོད་པ་དང་། དེ་ནི་མི་མང་ཆེ་བའི་དེ་ནང་ལ་སྡོད་ནས་ལས་ཀ་བྱེད་ཐབས་དང་ཡང་ན་རྒྱང་རིང་ནས་ལས་ཀ་བྱ་རྒྱུ་སོགས་ལ་གོ་བཞིན་ཡོད། མ་ཚད་དུས་ཚོད་ལ་བསྟུན་ནས་ལས་ཀ་བཀོད་སྒྲིག་དང་། མཉམ་ལས་བྱེད་པ་སོགས་བདམ་ག་མང་པོ་ཞིག་ཡོད་པ་རེད་ཅེས་གསུངས་འདུག

ཌོ་ཊར་མེ་ལེ་སཱ་ Dr Melissa Wheeler ལགས་ནི་ RMIT གཙུག་ལག་སློབ་གཉེར་ཁང་གི་ཚོང་ལས་འཛིན་སྐྱོང་གི་ཆེད་ཁྲིད་སློབ་དཔོན་རྒན་པ་ཞིག་རེད།

ཁོ་མོས་ལས་ཀ་སྟབས་བསྟུན་བཀོད་སྒྲིག་དེ་དེ་སྔོན་ ༢༠༢༠ ཡི་གོང་ནས་དར་སྲོལ་བྱུང་ཡོད་ཀྱང་། ཏོག་དབྱིབས་ན་ཚ་ཁྱབ་ནས་ཁྱིམ་སྡོད་བཀའ་རྒྱ་བསྡམས་རྗེས་དམིགས་བསལ་གྱི་མངོན་གསལ་དོད་དུ་ཕྱིན་པ་རེད་ཅེས་གསུངས་འདུག

ཁོ་མོས་སྦྱིན་བདག་ཚོར་འདོད་མོས་ཡོད་མེད་ལ་མ་བལྟོས་པར་ལས་མི་ཚོས་སྟབས་བསྟུན་ལས་ཀ་འཚོལ་མཁན་ཇེ་མང་དུ་འགྲོ་བཞིན་ཡོད་སྐོར་བརྗོད་འདུག 

ཁོ་མོས་སྦྱིན་བདག་ཚོས་ལས་མིར་ནང་ལ་སྡོད་ནས་ཐག་རིང་ནས་ལས་ཀ་བྱ་རྒྱུར་བཀོད་སྒྲིག་བྱེད་ཐུབ། ལས་ཀ་བྱེད་ས་ཡུལ་དངོས་ལ་མེད་ཀྱང་ཁོང་ཚོས་ལ་ཀ་བྱེད་ཐུབ་པ་མང་པོ་ཡོད། ནང་ལ་སྡོད་ནས་ལས་ཀ་བྱ་རྒྱུར་རེ་བ་རྒྱག་མཁན་ཇེ་མང་དུ་འགྲོ་བཞིན་ཡོད། ང་རང་སོ་སོར་ཆ་བཞག་པ་ཡིན་ནའང་ནང་ལ་སྡོད་ནས་ལས་ཀ་བྱེད་ཐུབ་པ་མང་པོ་ཞིག་འདུག དེའི་ཐོག་ནས་ཕྲུ་གུ་བསུ་ལེན་བྱེད་ཐུབ་པ་སོགས་ཁེ་ཕན་མང་པོ་ཞིག་ཡོང་གི་ཡོད་ཅེས་གསུངས་འདུག

ཌོ་ཊར་ཝེ་ལར་ལགས་ཀྱིས་ཨོ་སི་ཊོ་ལི་ཡའི་ཁྱོན་དུ་ལས་ཀ་སྟབས་བསྟུན་བཀོད་སྒྲིག་དེ་དགོས་མཁནདཔེར་ན་མི་གཞན་དག་ལྟ་སྐྱོང་བྱེད་མཁན་དང་། དབང་པོ་སྐྱོན་ཅན། ས་ཁུག་ལུང་ཁུག་ཏུ་སྡོད་མཁན། ད་དུང་ཕྲུ་གུ་ཡོད་མཁན་སོགས་མང་པོ་ཞིག་ལ་དགོས་མཁོ་དང་ཕན་ཐོགས་ཆེན་པོ་ཡོད་པ་རེད་ཅེས་གསུངས་འདུག 

སི་ཝན་བྷུར་ནེ་གཙུག་ལག་སློབ་གཉེར་ཁང་གི་དོ་དམ་རིག་པའི་དགེ་རྒན་ཆེན་མོ་ཇོན་ཧོ་ཕི་ཁིན་ John Hopkins ལགས་ཀྱིས་ལས་ཀ་སྟབས་བསྟུན་བཀོད་སྒྲིག་དེ་སྦྱིན་བདག་རྣམས་ལ་ཁེ་ཕན་ཡོད་སྐོར་བརྗོད་འདུག 

ཁོང་གིས་ཚོགས་པ་ལ་ཆ་མཚོན་ན་ཡང་ལས་ཀ་སྟབས་བསྟུན་བཀོད་སྒྲིག་དེས་ཕྱི་ལོགས་ནས་ཤེས་འཇོན་ལྡན་པའི་མི་སྣ་གང་མང་ཞིག་ལས་ཞུགས་བྱེད་པར་སྟབས་བདེ་བ་དང་ཕན་ཐོགས་ཆེ་བ་ཡོད་པ་རེད་ཅེས་གསུངས་འདུག 

དགེ་རྒན་ཆེན་མོ་ཧོ་ཕི་ཁིན་ལགས་ཀྱིས་བདུན་ཕྲག་རེར་ཉིན་གྲངས་ ༥ རེར་ལས་ཀ་བྱེད་པའི་དུས་ཚོད་དེ་ད་ཆ་ཡོལ་ཚར་བ་རེད། མ་ཚད་ད་ལྟའི་ཆར་ལས་ཀ་ཉིན་གང་བྱེད་མཁན་གྱི་བརྒྱ་ཆ་ ༣༠ ལ་མར་ཟག་ཚར་ཡོད་པ་རེད་ཅེས་གསུངས་འདུག