ቀጥታ ምሉእ ትሕዝቶ ኤስ ቢ ኤስ ትግሪኛ (20 ጥሪ 2025)

ን ሎሚ 20 ጥሪ 2024 ዘዳለናዮ ትሕዝቶ : ልኡኽና ዝሰደደልና ጸብጻብ፡ በዓል ጥምቀት ብተኸተልቲ ሃይማኖት ኦርቶዶክስ ተዋህዶ ኣብ መቐለ፣ አስመራን ኣዲስ ኣበባን ብድምቀት ተኸቢሩ። ፓትርያርክ ርእሰ ሊቃነ ጳጳሳት ዘኢትዮጵያ ኣባ ማትያስ ቀደማዊ ንመራሕቲ ትግራይ ገሲፆም። ማእከላይ ኮሚቴ ህወሓት፡ መንግስቲ ኢትዮጵያ ካብ ምትእትታው ክቝጠብ ኣተሓሳሲቡ። መጠን GDP ኢትዮጵያ ኣብ ውሽጢ ሰለስተ ወርሒ ካብ 207 ቢልዮን ዶላር ናብ 100 ቢልዮን ዶላር ከምዝወረደ ተገሊጹ። ኤርትራ ንህዝቢ ፍልስጤም ናይ ዮሃና መልእኽቲ ኣመሓላሊፋ። ሰሙናዊ መደብ ስፖርትን ካልእ ዝተፈላለዩ ትሕዝቶታት ቀሪብና ኣለና። ንኹሉ መደባትና ንምክትታል ምሳና ሃቢርኩም ክትጸንሑ ዝዕድመኩም ኣዳላውን ኣቕራብን በየነ ሰመረ፡ ሕጂ ናብ ዜና ከሕልፈኩም፡ ኣርእስታት ዜና፥ መራሒ ደቡብ ኮርያ ዩን ሱክ የሆል ማእሰርቱ ክሳብ 20 መዓልታት ክናዋሕ ኣብ ዝወሰነሉ ቤት ፍርዲ ደገፍቱ ኣብ ቤት ፍርዲ ሶል ደፊኦም ነቲ ቤት ፍርዲ ወሪሮም ። ዶናልድ ትራምፕ ፡ ቅድሚ ናይ ካልኣይ ፕረዚደንታዊ መመረቕታ ፡ ምስ ስድራ ቤቱን ደገፍቱን መሻርኽቱን ኰይኑ ንምጽምባል ናብ ዋሽንግተን ኣትዩ ። ስፓኛዊ ካርሎስ ኣልካርታዝ ኣብ ዉድድር ኤኒስ ኣውስትራልያ ኦፐን ናብ ናይ ራብዓይ ዙር ውድድር ብምብጻሕ ኣብ ደረጃ ናይ ግራንድ ስላም ክበጽሕ ኣብ ታሪኽ ዝነኣሰ ተጻዋታይ ክኸውን ክ ኢሉ ኣሎ፣

Source: Getty