ኤርትራውያን ኣትሌታት ኣብ ማራቶን ሙምባይ ቀዳማይን ካልኣይን ወጺኦም፣ ኣርሰናል ነጥቢ ትኸስር፣ ኣሌክሳንደር ኢሳቕ ናይ ሽቶ ምምዝጋብ ምረሽኡ ተገቲኡ፣

ሰሙናዊ መደብ ስፖርት (20/01/2025) * ማራቶን ሙምባይ 2025 ሰንበት ተኻይዱ ኤርትራውያን ኣትሌታት ቀዳማይን ካልኣይን ብምውጻእ ተዓዊቶም፣ * ቢንያም ግርማይ ኣብ ወርሒ መስከረም ሩዋንዳ ኣብ ተአንግዶ ሻምፒዮና ቅድድም ብሽግለታ መንገዲ ዓለም ንኤርትራ ወኪሉ ክሳተፍ ምዃኑ ክሳብ ሕጂ ርግጸኛ ከምዘይኮነ ገሊጹ፣ * ኮንፈደረሽን ኩዕሶ እግሪ ኣፍሪቃ (ካፍ) ብምኽንያት ብቑዕ ዘይኮነ ትሕተ ቅርጺ ብሓባር ኣብ ዘአንግዳ ሃገራት ኬንያ፣ ኡጋንዳን ታንዛንያን፣ ንግጥማት ሻምፒዮና ኩዕሶ እግሪ ኣፍሪቃ (ቻን) 2024 ናብ ካልእ እዋን ኣመሓላሊፍዎ፣ * ዕዳጋ ተጻወቲ ሓጋይ ኣብ ዝዓመረሉ፣ ኣሌክሳንደር ኢሳቕ ኣብ ሸሞንተ ተኸታተልቲ ግጥማት ከመዝግቦም ዝጸንሐ ሽቶታት፣ ጋንትኡ ድሕሪ ዘጋጠማ ሃንደበታዊ ስዕረት ክብረወሰን ከይሰበረ ኣኽቲሙ፣ * ኣርሴናል ኣብ ሜድኣ ማዕረ ድሕሪ ምውጽኣ ሊቨርፑል ረብሓኣ ብምዕቃብ 6 ነጥቢ ፍልልይ ሒዛ መሪሕነታ ቀጺላ፣

Credit: SBS