ከም'ዚ ማሕበረሰብ ገይሩ ሽቕለተ ኣልቦነት ዘጋጥሞ ካልእ የለን

ኣብ ኣውስትራሊያ መጠን ሽቕለተ ኣልቦነት ኣብ ማሕበረሰብ ዲንካ ካብ'ቲ ማእከላይ ሃገራዊ መጠን ዳርጋ ዕጽፊ'ዩ።

The unemployment rate of Australia's Dinka community sits at 7.8%. Credit: LUIS ASCUI /AAPIMAGE

ብመሰረት ቆጸራ ህዝቢ ናይ 2001፡ ቋንቋ ዲንካ ተዛረብቲ ዝኾኑ መጻእቲ ካብ ደቡብ ሱዳን ናይ 7.8% መጠን ሽቕለት ኣልቦነት የጋጥሞም፡ እቲ ሃገራዊ መጠን ግን 4.2% እዩ።

ንሓደስቲ መጻእቲ ኣብ'ቲ ንዕኦም ዘገድሶም ዓይነት ሞያ ሽቕለት ወይ ስራሕ ኣብ ምርካብ ጸገም ከጋጥሞም ልሙድ ተርእዮ'ዩ፡ ብፍላይ ከኣ እቲ ዘጥረይዎ ብቕዓትን ምስክር ወረቐትን ካብ ካልእ ሃገር ዝረኸብዎ ምስ ዝኸውን።

እንተኾነ ግን፡ ኣብ'ዚ ትሕዝቶ፡ SBS Examines ንጀይምስ ኣኮልን ቡዎል ኩዎልን ኣዘራሪብዎም።

ክልቲኦም ኣብ ኣውስትራልያውያን ዩኒቨርሲቲት'ዮም ተመሪቖም፡ ዓመታት ሓሊፉ ግን ኣብ'ቶም ብቕዓት ሞይኦም ዝኾኑ ዓውዲ ሰብኣዊ ዓቕምታትን ንግድን ገና ስራሕ ኣይረኸቡን።

ሚስተር ኩዎል ናብ 73 ዝኾኑ ክፉታት ቦታታት ስራሕ ኣመልኪቱ ንቃለመሕትት ወይ ብዛዕባ'ቲ ስራሕ ንክዘራረብ'ውን እንተኾነ መጸዋዕታ ተቐቢሉ ከምዘይፈልጥ ንSBS Examines ሓቢሩ።

ሚስተር ኣኮል ከኣ ኣብ ሓደ ግብረሰናይ ማሕበር ኣብ ዓውዲ ሰብዓዊ ዓቕምታት ዕድል ስራሕ ተዋሂቡኒ ኢሉ። ዕዉት ዝኾነ ቃለመሕትት ብቴሌፎን ኣካይዱ፡ ነቲ ውዕል ስራሕ ክኽትመሉ ብኣካል ምስ መጸ ግን እቲ ውዕል ተሳሒቡ ክብል ገሊጹ።

“ርእይ ምስ ኣበሉኒ 'ንስኻ ደኣ ድሕረባይታኻ ኣፍሪቃ'ንድዩ... እዚ ሓደ ጸገም እንድዩ፡' ኢሎምኒ፡" ኢሎምኒ ኢሉ።

እዚ ትሕዝቶ SBS Examines፣ ብምትሕብባር ምስ ኤስቢኤስ ዲንካ ዝተዳለወ ኮይኑ፣ ማሕበረሰብ ዲንካ ሽቕለት ወይ ስራሕ ኣብ ምርካብ ዘጋጥምዎም መሰናኽላት ክምልከት'ዩ።