گرمائی تعطیلات بچوں کی سماجی تربیت کا بہترین موقع لیکن کیسے ؟

آسٹریلیا جیسے کثیر الثقافتی معاشرے میں دنیا کے مختلف خطوں سے آکر بسنے والے تارکین وطن کے لیے اسکولوں سے بچوں کی طویل گرمائی تعطیلات ان کی سماجی تربیت اور ہم آہنگی کا بہترین موقع فراہم کرتے ہیں لیکن کیسے؟

Source: AAP

میلبورن میں بسنے والی پاکستانی نژاد بتول گولانی نے ایس بی ایس اردو کو بتایا کہ مائیگرنٹ کمیونیٹیز کی مختلف نسلوں کے درمیان بہتر رابطے کا فقدان ہے جو اس بہترین موقع سے بھرپور فائدہ اٹھانے کی راہ میں رکاوٹ بنتا ہے۔ ایک دہائی سے بھی زیادہ عرصے تک آسٹریلیا میں نوجوانوں کی بہتر تربیت کا تجربہ رکھنے والی بتول کہتی ہیں کہ بچوں کو معاشرے سے الگ تھلگ رکھنا کسی بھی صورت میں ایک اچھی روش نہیں ہے۔ وہ کہتی ہیں کہ تارکین وطن کا پس منظر رکھنے والے والدین کو اعتدال پسندانہ انداز میں بچوں کو یہاں کی روایات اور مثبت پہلووں سے آشنا کرنا چاہیے۔