پاکستان کرکٹ بورڈ کے چئیرمین رمیز راجا نے آسٹریلیا سے ڈراپ ان پچز منگوانے کا ارادہ ترک کردیا لاہور میں پریس کانفرنس کرتے ہوئے رمیز راجا نے بتایا کہ ڈراپ ان پچز نہ لانے کا فیصلہ بھاری بھر کم خرچ آنے کی وجہ سے کیا گیا ،،،اب پچز کے لیے آسٹریلیا سے مٹی منگوائی ہے جو آئندہ ماہ جولائی میں پاکستان پہنچے گی اس کے علاوہ پچز کی تیاری کے لیے آسٹریلیا کنسلٹنٹ کے ساتھ بھی معاہدہ طے ہوا ہے رمیز راجا کا مزید کہنا تھا کہ آسٹریلیا، انگلینڈ ،پاکستان اور بھارت کے درمیان چار ملکی ٹورنامنٹ کی تجویز ابھی آئی سی سی نے مسترد نہیں کی جس پر اگلے اجلاس میں بات چیت ہوگی رمیز راجا کا کہنا تھا کہ آسٹریلیا میں شیڈول آئی سی سی ٹی ٹونٹی ورلڈ کپ کے لیے سابق آسٹریلوی کرکٹر میتھیو ہیڈن کی دوبارہ خدمات حاصل کریں گے آئیے آپ کو ان کی گفتگو سناتے ہیں
برمنگھم کامن ویلتھ گیمز میں پاکستان کا 104 رکنی دستہ شرکت کرے گا 28 جولائی سے شروع ہونے والی گیمزکی تیاریوں کے سلسلے میں پاکستان کے کھلاڑیوں کے تربیتی کیمپ جاری ہیں پاکستانی ایھتلیٹس کرکٹ، ہاکی، ریسلنگ، جوڈو، باکسنگ اتھیلٹکس ،بیڈمنٹن سمیت13 کھیلوں میں شریک ہوں گے گولڈ کوسٹ کامن ویلتھ گیمز میں واحد گولڈ میڈل جیتنے والے پہلوان انعام بٹ نے اس باربھی گولڈ میڈل پر نظریں جما لی ہیں ایس بی ایس اردو سے گفتگو کرتے ہوئے انعام بٹ کا کہنا تھا کہ پاکستانیوں کو مایوس نہیں کریں گے پہلوانوں کی ٹیم دو سے تین میڈلز جیتنے کی صلاحیت رکھتی ہے ریسلر انعام بٹ نے پاکستانی حکومت سے گیمز سے قبل بین الاقوامی ممالک میں ٹریننگ کی سہولیات فراہم نہ کرنے کا شکوہ بھی کیا ہے ان کا مزید کیا کہنا تھے آئیے آپ کو سناتے ہیں
ساؤنڈ بائٹ
پاکستان کے فاسٹ بولر محمد حسنین باؤلنگ ایکشن کی درستگی کے بعد بگ بیش لیگ کا آئندہ سیزن کھیلنے کے لیے پرامید ہیں ایس بی ایس اردو کو انٹرویو دیتے ہوئے محمد حسنین کا کہنا تھا کہ کرکٹ میں واپس آنے کے لیے بہت محنت کی پابندی کی وجہ سے آسٹریلیا کا دورہ پاکستان مس ہوا پاکستان کرکٹ ٹیم میں واپس آنا اگلا ہدف ہے
