የጃፓኑ ዶዳይ ኩባንያ በኢትዮጵያ በኤሌክትሪክ የሚሰሩ ሞተር ሳይክሎችና ባትሪ መለዋወጫ ጣቢያዎች ልገነባ ነው

ኩባንያው በመጪው አንድ ዓመት ጊዜ ውስጥ 5,000 በኤሌክትሪክ የሚሰሩ ሞተር ሳይክሎችና 100 የባትሪ መለዋወጫ ጣቢያዎች እንደሚገነባ አስታውቋል፡፡

Credit: Suplied

ዶዳይ ፋብሪካ የሚገነባቸው የባትሪ መለዋወጫ ጣቢያዎች የሞተር ባለቤቶች ሙሌት ተደርጎ የተጠቀሙት ባትሪን ለኩባንያው ሰጥተው ሙሌት የተደረገ ባትሪ የሚወስዱባቸው ጣቢያዎች መሆናቸው ተነግሯል፡፡

በኤሌክትሪክ የሚሠሩ የሞተር ብስክሌቶችን እና የባትሪ መለዋወጫ ጣቢያዎች በኢትዮጵያ ማምረት መጀመሩን የተናገረው የጃፓኑ ዶዳይ ኩባንያ ይህንኑ ለማቀላጠፍ የመንግሥት የልማት ድርጀቶች የበላይ ከሆነው የኢትዮጵያ ኢንቨስትመንት ሆልዲንግስ ጋር የመግባቢያ ስምምነት ተፈራርሟል፡፡

የኢትዮጵያ ኢንቨስትመንት ሆልዲንግስ እና ዶዳይ ማኑፋክቸርንግ በተፈራረመት የመግባቢያ ስምምነት መሰረት በመጪ አንድ ዓመት ውስጥ 100 የባትሪ መለዋወጫ ጣቢያ የሚገነባ ይሆናል፡፡

የባትሪ መለዋወጫ ጣቢያ መገንቢያ ቦታዎችን የኢትዮጵያ ኢንቨስትመንት ሆልዲንግስ ያቀርባል፡፡

ወደፊት የመግባቢያ ስምምነቱ ዝርዝር ይፋ እንደሚሆንም ተገልጧል።

የኤሌክትሪክ ሞተር ሳይክሎችን የሚያመርተው ዶዳይ ኩባንያ ፉብሪካውን በአዲስ አበባ ጎተራ የተከለ ሲሆን ለዚህም 7 ሚሊዮን ዶላር ኢንቨስት ማድረጉን አስታውቋል፡፡